«Ливерпуль» Юрген Клопп билан алоқага чиқмоқда, дея хабар беради Англиянинг The Sun нашри. Манбага кўра, клуб хўжайини Жон Хенри ҳозирда Мальоркада дам олаётган германиялик мутахассис билан учрашиш учун у ерга учиб борган.

Учрашувдан кўзланган мақсад ҳозирча номаълум — бу мураббийни ортга қайтариш таклифими ёки 2024 йилда айнан Клоппнинг тавсияси билан тайинланган Арне Слот борасидаги маслаҳатлашувми, буси мавҳумлигича қолмоқда.

Шунингдек, манба бошқа қизиқарли сценарийни ҳам келтирган: «Борнмут» билан муваффақиятли ишлагани ортидан ўз мавқеини анча оширган испаниялик мутахассис Андони Ираола жамоа бошқарувини қўлга олиши мумкин.