Испания терма жамоаси ва Бильбаонинг «Атлетик» клуби вингери Нико Уильямс фаолиятини Англия Премьер-лигасида давом эттириши мумкин. Бу ҳақда El Nacional журналистлари хабар бермоқда.
Манбанинг маълумотига кўра, «Ливерпуль» ушбу ҳужумкор ярим ҳимоячини ўз сафига қўшиб олишни истамоқда. «Қизиллар» сафида Уильямс мавсум якунида «Энфилд»ни тарк этаётган мисрлик Муҳаммад Салоҳнинг ўрнини эгаллаши мумкин.
2025/2026 йилги мавсумда 23 ёшли футболчи Испания чемпионатининг 25 та учрашувида майдонга тушди. Нико ҳисобига олтита гол ва учта голли узатма ёзиб қўйилган.
Уильямснинг басклар клуби билан тузган меҳнат шартномаси 2035 йилнинг ўрталаригача мўлжалланган. Футболчининг бозор қиймати 50 миллион еврони ташкил этади.
