"Inter" yarim himoyachisi Chezare Kasadei faoliyatini Angliyada davom ettirishi mumkin. Italiyaning Sky nashri xabariga ko‘ra, "Chelsi" 19 yoshli italiyalikni sotib olmoqchi.
Manbaga ko‘ra, London klubi italiyalik yarim himoyachi uchun 6,7 mln funt taklif qilgan.
Kasadeining amaldagi shartnomasi 2024 yilgacha mo‘ljallangan. Transfermarkt portali futbolchining narxini 1 million yevroga baholamoqda.
O‘tgan mavsumda Kasadei "Inter" yoshlar jamoasi safida barcha musobaqalarda 39 ta o‘yinda maydonga tushib, 16 ta gol urdi va 5 ta golli uzatmani amalga oshirdi.
