Angliyalik futbolchilar o‘z Vatanlarida ayollar o‘rtasidagi Yevro-2022 musobaqasida oltin medalni qo‘lga kiritgandan so‘ng, matbuot anjumani xonasiga "It’s coming home" qo‘shig‘i bilan bostirib kirib, murabbiy Sarina Vigmanning matbuot anjumanini buzdi.

Ular Vigman o‘tirgan stol atrofida raqsga tushishdi, ba’zilari hatto stolga chiqib olishdi.

Mashhur qo‘shiq tarjimada u (kubok) uyga (futbol vataniga) kelmoqda, degan ma’noni anglatadi. Ushbu satrlar 1996 yilda Angliyada bo‘lib o‘tgan erkaklar o‘rtasidagi Yevropa chempionati uchun yozilgan The Lightning Seedsning qo‘shig‘idan olingan. U futbolni tarixiy vatanida kutib oldi va bu safar kubok uyga qaytishiga umid bildirdi.