Hindistonning Chennay shahrida shaxmat olimpiadasida 4-tur o‘yinlari yakuniga yetdi.

O‘zbekiston erkaklar terma jamoasi bugun AQSH bilan durang o‘ynagach, o‘z ochkolarini 7taga yetkazdi. Natijada jamoamiz 4-o‘rindan 9-pog‘onaga tushdi. Ertaga shaxmatchilarimiz Slovakiya termasiga qarshi dona suradigan bo‘lishdi. Ushbu jamoa musobaqa reytingida 34-o‘rinda qayd etilgan bo‘lib, ular 4-turdan so‘ng 17-pog‘onani egallab turishibdi.

O‘zbekiston ayollar jamoasi esa Dominikan Respublikasi ustidan qozonilgan bugungi g‘alabadan so‘ng 33-o‘ringa ko‘tarilib oldi. Beshinchi turda qizlarimizga Vyetnam terma jamoasi raqiblik qiladigan bo‘ldi. Ushbu mamlakat musobaqa reytingida 24-o‘rinda qayd etilgan bo‘lib, ayni paytda 38-pog‘onani band etib turibdi.