"Lasio" bosh murabbiyi Maurisio Sarri "Roma" ustozi Joze Mourinyo haqida fikr bildirdi. 63 yoshli italiyalik murabbiylik faoliyatini qanday boshlagani o‘rtasidagi farqni aytib o‘tdi.
"Menga Mourinyo yoqadi. O‘rtamizdagi farq asosan bizning boshlang‘ich nuqtalarimiz natijasidir. Men havaskorlar, boshqa saviyadagi futbolchilar orasida o‘sganman. G‘alaba qozonish uchun o‘yinchilarning cheklovlarini qoplash uchun yaxshi yechimlarni topishim kerak edi. Mourinyo "Barselona"da ish boshladi va o‘z ishining ustasi bo‘lishi uchun ko‘p pul sarfladi. Italiya sakkizinchi divizioni klublari va “Barselona” o‘rtasida katta farq bor" - dedi Sarri Corriere dello Sport bilan suhbatda.
A Seriyaning yangi mavsumini 13 avgust kuni “Milan” – “Udineze” jamoalari o‘rtasidagi uchrashuv boshlab beradi. Birinchi turda “Lasio” o‘z maydonida “Bolonya”ga qarshi, “Roma” esa o‘z maydonida “Spesiya”ga qarshi bahs olib boradi.
