"Barselona" kelasi haftada yana ikkita transferni amalga oshirishni rejalashtirmoqda.

Barcha xaridlar muvaffaqiyatli ro‘yxatdan o‘tkazilgandan so‘ng (himoyachi Jyul Kundedan tashqari) kataloniyaliklar o‘zlarining so‘nggi ikki transfer maqsadlari, "Manchester Siti" yarim himoyachisi Bernardu Silva va "Chelsi" himoyachisi Markos Alonso bilan shartnoma imzolashga e’tibor qaratishadi.

Alonso hozirda "Barsa"ga o‘tishga yaqin. "Chelsi" ispaniyalik futbolchini 8 million yevroga sotishni o‘ylamoqda. Alonso kelasi haftada "blaugrana"ga o‘tishi va "Real Sosyedad"ga qarshi o‘ynashi kutilmoqda.

Bernardu Silva bilan ham vaziyat yaxshilandi: "Barsa" prezidenti Joan Laporta futbolchiga yarim himoyachi Frenki de Yong jamoada qolgan taqdirda ham transfer amalga oshishini aytdi.

Diario Sport xabariga ko‘ra, "ko‘k-anorranglilar" portugaliyalik uchun taxminan 65 million yevro to‘lashi rejalashtirilgan. Futbolchining o‘zi bilan 4 yillik shartnoma kelishilgan.