Italiya chempionatining 1-turidan o‘rin olgan uchrashuvda “Lasio” o‘z maydonida “Bolonya”ni mag‘lub etdi – 2:1.
Mezbonlar safida Chiro Immobile gol urdi, Lorenso De Silvestri avtogolga mualliflik qildi. Mehmonlarning yagona goliga Marko Arnautovich mualliflik qildi. U penaltidan unumli foydalandi.
Birinchi bo‘limda “Lasio” darvozaboni Luis Mashimiano to‘g‘ridan-to‘g‘ri qizil kartochka oldi, uning o‘rniga asli rossiyalik italiyalik Ivan Provedel tushdi. Shuningdek, "Bolonya" himoyachisi Adam Sumaoro 9 daqiqa ichida ikki bor ogohlantirilib, u ham maydonni erta tark etdi.
Keyingi turda “Lasio” 20 avgust kuni mehmonda “Torino” bilan, 21 avgust kuni “Bolonya” o‘z maydonida “Verona” bilan o‘ynaydi.
Lasio – Bolonya 2:1 (0:1, 2:0)
14 avgust, 21.30, «Stadio Olimpiko»
Gol: 0:1 – 38, penaltidan Arnautovich, 1:1 – 68, avtogol de Silvestri, 2:1 – 79 Immobile.
Lasio – Luish Mashimianu, Gabarron, Romanyoli, Marushich, Kataldi (Luis Alberto, 65), Milinkovich-Savich (Vesino, 83), Bashich (Provedel, 8), Ladzari (Xyusay, 84), Dzakkani, Immobile, Felipe Anderson (Kanchelyeri, 83).
Bolonya – Skorupski, de Silvestri, Medel, Sumaoro, Likoyannis (Kasius, 65), Kambyazo (Vinyato, 86), Soriano (Ebisher, 65), Sxauten, Dominges (Barrou, 74), Arnautovich, Sansone (Bonifasi, 46).
Ogohlantirishlar: Sansone (23), Arnautovich (39), Sumaoro (40), Kambyazo (53), Ladzari (71), Ebisher (86), Immobile (90).
Chetlatish: Luish Mashimianu (6), Sumaoro (45).
