"Chelsi" "Barselona" hujumchisi Pyer-Emerik Obameyangni o‘z safiga qo‘shib olmoqchi. Biroq London klubi kataloniyaliklar futbolchi uchun talab qilayotgan 30 million yevroni to‘lashga tayyor emas, deya xabar beradi jurnalist Fabrisio Romano.
Narxni tushirish uchun londonliklar shartnomaga "Barsa" bilan anchadan beri muzokara olib borayotgan himoyachi Markos Alonsoni ham kiritishga tayyor.
Obameyang ispan klubiga 2022 yilning yanvarida kelib qo‘shilgan edi. U klub safida 23 ta uchrashuvda 13 ta gol urdi va 1 ta golli uzatmani amalga oshirdi. Shartnoma 2025 yilning yoziga qadar mo‘ljallangan.
Alonso o‘tgan mavsumda londonliklar safida barcha turnirlarda 46 o‘yinda 5 gol urdi va 6 golga assistentlik qildi. Uning "Chelsi" bilan shartnomasi 2023 yilning 30 iyuniga qadar amal qiladi.