"Челси" "Барселона" ҳужумчиси Пьер-Эмерик Обамеянгни ўз сафига қўшиб олмоқчи. Бироқ Лондон клуби каталонияликлар футболчи учун талаб қилаётган 30 миллион еврони тўлашга тайёр эмас, дея хабар беради журналист Фабрицио Романо.
Нархни тушириш учун лондонликлар шартномага "Барса" билан анчадан бери музокара олиб бораётган ҳимоячи Маркос Алонсони ҳам киритишга тайёр.
Обамеянг испан клубига 2022 йилнинг январида келиб қўшилган эди. У клуб сафида 23 та учрашувда 13 та гол урди ва 1 та голли узатмани амалга оширди. Шартнома 2025 йилнинг ёзига қадар мўлжалланган.
Алонсо ўтган мавсумда лондонликлар сафида барча турнирларда 46 ўйинда 5 гол урди ва 6 голга ассистентлик қилди. Унинг "Челси" билан шартномаси 2023 йилнинг 30 июнига қадар амал қилади.
