«Манчестер Сити» ва Испания терма жамоаси ярим ҳимоячиси Родри Эрнандес Мадридга етиб келди. Бу ҳақда Marca нашри хабар бермоқда.
Аввалроқ эълон қилинганидек, футболчининг белида операция ўтказилади. У 27 июльга режалаштирилган бўлиб, шифохонада ётишни талаб қилмайди ва Родрининг мавсумолди тайёргарликни бошлашига халақит бермаслиги керак.
Родри «Манчестер Сити»нинг Осиёдаги мавсумолди турнесини ўтказиб юбориши кутилмоқда. Жаҳон чемпионатидан сўнг қўшимча дам олиш кунларини олган Эрлинг Холанд, Райан Шерки ва янги харид Эллиот Андерсон ҳам жамоа билан бирга йўлга чиқмаслиги мумкин.
Аввалроқ Родри Мадриднинг «Реал» клуби қизиқишлар доирасига тушган эди, бироқ «Манчестер Сити» футболчи билан шартномани узайтиришга умид қилмоқда. Амалдаги келишув 2027 йилнинг ёзигача мўлжалланган.
