Лондоннинг «Арсенал» клуби «Атлетико» форварди Хулиан Альваресни сотиб ололмагач, ҳужум чизиғини кучайтириш учун бошқа вариантларни кўриб чиқмоқда. «Арсенал» бош мураббийи Микель Артета муқобил сифатида «Барселона» нападающийси Ферран Торрес номзодини нишонга олди. Эҳтимолий трансфер трансфер бозоридаги вазиятга боғлиқ бўлади, деб хабар беради The Touchline ижтимоий тармоқларда.
Аммо «Арсенал» бошқа клублар билан рақобатлашишига тўғри келади. «Атлетико» ва «ПСЖ» ҳам Ферран Торресга қизиқиш билдирмоқда. Шу билан бирга, «Барселона» футболчини жамоада сақлаб қолмоқчи ва сентябрь ойида унга янги шартнома таклиф қилишни режалаштирмоқда. Аввалроқ «ПСЖ» вакиллари эҳтимолий трансфер бўйича Каталония клуби билан боғланишган, аммо расмий таклиф ҳали тушмаган.
2025/2026 йилги мавсумда Ферран Торрес Ла Лигада 16 та гол урди. Transfermarkt 26 ёшли испаниялик футболчини 55 миллион еврога баҳоламоқда.
