Испания терма жамоаси вингери Ламин Ямал Миллатлар лигасида Англияга қарши учрашувда ноёб натижа қайд этди.

19 ёшли «Барселона» футболчиси Лондон шаҳридаги «Уэмбли» стадионида ўтказилган учрашувда ҳисобни 104-сонияда очди. Испания Англияни 3:2 ҳисобида мағлуб этди.

МистерЧип маълумотларига кўра, Ямалнинг голи 1957 йилдан бери «Уэмбли»да Англия терма жамоаси дарвозасига рақиб футболчиси томонидан киритилган энг тез гол бўлди.

Бундан 69 йил аввал, шотландиялик Томми Ринг Англия дарвозасини учрашувнинг биринчи дақиқасида ишғол қилган эди.

Шунингдек, Ямалнинг голи 2005 йил октябридан бери Испания терма жамоасининг расмий учрашувларда Англия дарвозасига урган энг тез голи бўлди.

Аввалроқ Ямал «Уэмбли»да Англия терма жамоаси дарвозасига гол урган энг ёш футболчига айлангани хабар қилинган эди. У бу борада Патрик Клюйвертнинг рекордини янгилади.