«Олтин тўп» совринининг расмий сайтида овоз бериш якунлари бўйича очколар тенг келган тақдирда ғолиб қандай аниқланишига ойдинлик киритилди.

France Football регламентига кўра, очколар тенг бўлган ҳолатда биринчи ўрин учун кўпроқ овоз олган футболчи юқори ўринни эгаллайди. Агар бу кўрсаткич ҳам бир хил бўлса, иккинчи ўрин учун берилган овозлар сони ҳисобга олинади. Кейин эса учинчи ва ундан кейинги ўринлар учун берилган овозлар инобатга олинади.

Агар икки футболчининг барча кўрсаткичлари ҳам мутлақо бир хил бўлиб қолса, якуний қарорни France Football бош муҳаррири қабул қилади.

«Олтин тўп» соврини 26 октябрь, душанба куни Лондонда топширилади.