Сўнгги ҳафталарда матбуотда "Барселона"нинг трансфер бозоридаги асосий мақсади чап оёқда ўйнайдиган марказий ҳимоячини сотиб олиш экани ҳақида кўп ёзилмоқда.

Каталонияликлар Пау Кубарси билан ишончли жуфтлик ҳосил қила оладиган футболчини қидирмоқда.

"Барселона" бош мураббийи Ханс-Дитер Флик Жерар Мартинга ишонади, аммо у ҳозирча асосий таркибдаги ўрнини шубҳасиз эгаллайдиган даражага етмаган деб ҳисобланмоқда.

Клуб рўйхатида учта номзод бор. Фликка энг кўп Дортмунднинг "Боруссия" клуби ҳимоячиси Нико Шлоттербек ёқмоқда.

Манбага кўра, 26 ёшли футболчининг кучли жисмоний ва техник сифатлари Фликда катта таассурот қолдирган. Шлоттербекнинг шартномасида 60 миллион евролик товон пули банди бор. Бу ҳақда El Nacional хабар берди.

"Барселона" шорт-листида 32 ёшли Эмерик Лапорт ("Атлетик") ва 18 ёшли Руд Нейстад ("Твенте") ҳам бор.

Бироқ Нейстад кўпроқ келажак учун мўлжалланган вариант сифатида кўрилмоқда.