"Tottenxem" himoyachisi Serxio Regilon "Lasio"ga o‘tishi mumkin, deb xabar beradi Sky Italia.
Manbaga ko‘ra, italyan klubi futbolchini 2023 yilning yoziga qadar ijaraga olmoqchi. Ispaniyalik futbolchiga "Nottingem Forest" ham da’vogarlik qilmoqda, ammo u Rim klubi bilan variantga intilmoqda. Eslatib o‘tamiz, “Tottenxem” bosh murabbiyi Antonio Konte futbolchini rejalariga kiritmagan, shu bois u ketishga majbur bo‘ladi.
25 yoshli Regilon "Real Madrid" tarbiyalanuvchisi hisoblanadi. U joriy mavsumda “Tottenxem” tarkibida birorta ham o‘yin o‘tkazmagan. Uning klub bilan shartnomasi 2025 yilning yoziga qadar mo‘ljallangan.