"Тоттенхэм" ҳимоячиси Серхио Регилон "Лацио"га ўтиши мумкин, деб хабар беради Sky Italia.
Манбага кўра, итальян клуби футболчини 2023 йилнинг ёзига қадар ижарага олмоқчи. Испаниялик футболчига "Ноттингем Форест" ҳам даъвогарлик қилмоқда, аммо у Рим клуби билан вариантга интилмоқда. Эслатиб ўтамиз, “Тоттенхэм” бош мураббийи Антонио Конте футболчини режаларига киритмаган, шу боис у кетишга мажбур бўлади.
25 ёшли Регилон "Реал Мадрид" тарбияланувчиси ҳисобланади. У жорий мавсумда “Тоттенхэм” таркибида бирорта ҳам ўйин ўтказмаган. Унинг клуб билан шартномаси 2025 йилнинг ёзига қадар мўлжалланган.