АҚШ Федерал қидирув бюроси (ФБР) Аргентина футбол ассоциацияси (AFA)нинг молиявий фаолиятини пул ювиш ва фирибгарлик эҳтимоли юзасидан текширмоқда. Бу ҳақда La Nación нашри хабар берди.
Манбага кўра, дастлабки текширув 2025 йилдаёқ бошланган. Терговчилар AFA президенти Клаудио Тапиа бошчилигидаги ташкилот даврида амалга оширилган молиявий операциялар ҳақида маълумот тўпламоқда.
Диққат марказида 300 миллион долларга яқин пул оқимлари турибди. Терговчилар ушбу маблағлар билан боғлиқ айрим операциялар АҚШ юрисдикциясига тушишини ва улар қонунбузарликлар билан боғлиқ бўлиши мумкинлигини аниқламоқда.
Ҳозирги вақтда ҳеч кимга расмий айблов қўйилмаган, Аргентина футбол ассоциацияси раҳбарияти эса ушбу янгилик юзасидан ҳозирча ҳеч қандай изоҳ бермади.
