TalkSPORT нашри журналисти Алекс Крук «Челси» ярим ҳимоячиси Энцо Фернандеснинг келажаги ҳақида ўз фикрлари билан ўртоқлашди.
«Мен доимо «Манчестер Сити» ва Энцо Мареска варианти ҳақида ўйлайман, айниқса, агар Родри клубни тарк этадиган бўлса. Мен уларда Эллиот Андерсон борлигини биламан, аммо агар уларга яна бир ярим ҳимоячи керак бўлса ва Фернандес ҳамда Мареска ўртасидаги муносабатларни ҳисобга олсак, бу жуда аъло вариант бўлар эди. Менга айтишларича, ҳозирча клублар ўртасида ҳеч қандай музокаралар йўқ, бироқ, менимча, бу вариантни албатта ёдда тутиш лозим», — деди Крук.
Аввалроқ Мадриднинг «Реал» клуби шу ёзда Энцо Фернандесни сотиб олмаслигини ва аргентиналик футболчининг трансфери бўйича ҳеч қандай таклиф юбормаганини расман маълум қилган эди.
