«Вильярреал» «Андерлехт» ва Канада терма жамоаси ярим ҳимоячиси Натан Салиба трансфери бўйича келишувга эришди. Бу ҳақда инсайдер Фабрицио Романо хабар берди.
Манба маълумотига кўра, 22 ёшли футболчининг трансфер қиймати 15 миллион еврони ташкил этади. Салиба тиббий кўрикдан ўтиш ва шартнома имзолаш учун Испанияга йўл олади.
Салиба 2025 йил июлидан буён «Андерлехт» шарафини ҳимоя қилиб келмоқда. Унинг Бельгия клуби билан амалдаги шартномаси 2029 йил 30 июнига қадар мўлжалланган.
2025/26 йилги мавсумда ярим ҳимоячи барча мусобақалар доирасида 45 та учрашувда майдонга тушиб, 5 та гол урди ва 2 та голли узатмани амалга оширди.
Transfermarkt портали Натан Салибанинг трансфер қийматини 10 миллион еврога баҳоламоқда.
