Ўзбекистон миллий жамоаси ярим ҳимоячиси Азиз Ғаниев БААнинг "Ал-Батаеҳ" клубини тарк этди.
Клуб ўзбекистонлик футболчи билан ҳамкорлик якунланганини маълум қилди. Шу тариқа, 28 ёшли ярим ҳимоячи янги мавсумни бошқа жамоада бошлайди.
Ғаниев "Ал-Батаеҳ" сафига 2024 йил июлида келиб қўшилган эди. Transfermarkt маълумотларида унинг амалдаги шартномаси 2027 йилнинг 30 июнига қадар мўлжаллангани қайд этилган. Томонлар ҳамкорликни шартнома муддати тугашидан олдин якунлаган.
Transfermarkt’нинг сўнгги баҳолашига кўра, Ғаниевнинг трансфер қиймати 2 млн еврони ташкил этади. Унинг асосий позицияси марказий ярим ҳимоя бўлиб, таянч ва ҳужумкор ярим ҳимоячи сифатида ҳам ҳаракат қила олади.
Жиззахда туғилган Ғаниев 28 ёшда. У Ўзбекистон миллий жамоаси сафида ҳам мунтазам тўп суриб келмоқда.
