«ПСЖ» бош мураббийи Луис Энрике жамоа таркибини кучайтириш ҳақида ўйламоқда. «Барселона»да Алехандро Бальденинг мавқеи билан боғлиқ вазиятни инобатга олган испаниялик мутахассис парижликлар президенти Носир Ал-Хелайфийдан футболчини трансфер қилиш имкониятини кўриб чиқишни сўраган.
Ҳозирда «ПСЖ»нинг асосий чап қанот ҳимоячиси Нуну Мендеш ҳисобланади. Бироқ Энрике ушбу позицияга рақобат, ротация ва жамоанинг юқори суръатини сақлаб туриш учун яна бир футболчи қўшилишини истамоқда.
«ПСЖ» устози Бальдеда ҳали ҳам катта салоҳият бор, деб ҳисоблайди. Футболчининг «Барселона»даги муаммоси унинг савияси билан эмас, балки Ханс-Дитер Фликнинг талаблари билан боғлиқ. Немис мутахассиси бошқа турдаги қанот ҳимоячиларини, айниқса марказга силжиб, қанотнинг бутун кенглигини вингерларга қолдирадиган футболчиларни маъқул кўради.
El Nacional нашри ёзишича, Бальде учун тахминан 40 миллион евро миқдоридаги таклиф «Барселона»ни музокаралар столига ўтиришга ундаши мумкин.
