«Барселона» бош мураббийи Ханс-Дитер Флик футболчилардан бирининг ўйинидан норози бўлмоқда. Ҳатто «Расинг» устидан 7:2 ҳисобида эришилган ғалаба ҳам немис мутахассисининг дарвозабон Войцех Щеснининг спорт формасидан хавотирда эканлигига таъсир қила олмади.
Гап голга олиб келган хатода эмас, балки Щесни ўзининг жисмоний тайёргарлигига эътибор бермай қўйганида.
«Барселона»да футболчилардан интенсивлик, диққатни жамлаш ва энг юқори даража талаб этилади, ҳаттоки сиз захира ўйинчиси бўлсангиз ҳам. Флик буни қабул қилиш қийин бўлган интизомсизлик деб ҳисоблайди», — дейилади El Nacional саҳифаларида эълон қилинган материалда.
Флик Щеснининг талаб қилинадиган жисмоний тайёргарлик даражасида эмаслигини ва бу унинг реакция тезлиги ҳамда ҳаракатчанлигига таъсир қилаётганини кўрмоқда.
Эслатиб ўтамиз, Войцех Щесни «Расинг»га қарши ўйиннинг танаффусида жароҳат олган Жоан Гарсиянинг ўрнига майдонга тушган эди.
