"Барселона" чоршанба куни "Камп Ноу"да "Расинг"ни 7:2 ҳисобида тор-мор қилди.
Учрашувнинг иккинчи бўлимида Габриэл Жезус хет-трик қайд этган Рафинья ўрнига майдонга тушди ва ўзи ҳам гол уришга муваффақ бўлди.
Каталония клубида бразилиялик ҳужумчининг ҳозирги формасидан мамнун. Айниқса, унинг трансферига асосий тарафдорлардан бири бўлган спорт директори Деку Жезуснинг ўйинидан хурсанд экани айтилмоқда.
El Nacional нашри Globo Esporte маълумотига таяниб хабар беришича, Жезус вазиятдан фойдаланиб, Ханси Фликдан унга кўпроқ ўйин вақти беришни сўраган.
Бразилиялик футболчи ҳатто яқин учрашувлардан бирини асосий таркибда бошлашни истамоқда.
Бироқ Жезуснинг старт таркибидан жой олиши осон бўлмайди. Ламин Ямал ва Рафинья асосий таркибнинг муҳим футболчилари ҳисобланади, чап қанотда эса Карим Адейеми ва Энтони Гордон ҳам айни пайтда яхши формада.
