«Барселона» бош мураббийи Ҳанс-Дитер Флик матбуот анжуманида Жозе Моуриньонинг гаплари ҳақидаги саволга жавоб берди.

— Моуриньо Ла Лигада дам олиш учун етарлича эътибор берилмаётганини тахмин қилди. У ҳақми?

— Биз бундай вазиятларга аввал ҳам дуч келганмиз. Бошқа мамлакатларда вазият бошқача бўлиши мумкин, аммо бу ердаги ҳақиқат шундай. Масалан, Валенсияда кубок учрашувини ўтказганимизда, самолёт рейсимиз бекор қилинди ва Барселонага автобусда қайтишга мажбур бўлдик. Орадан кўп ўтмай яна бир ўйинимиз бор эди, шунга қарамай, яхши натижа кўрсатдик.

Биз бундай шароитларни ўзгартира олмаймиз, аммо майдонда натижа кўрсатишимиз шарт. Бу — ўзимиз таъсир ўтказа оладиган нарса. Ҳамма диққатини жамлаган ва ўз маҳоратини намойиш этмоқда. Бизда янада ўсиш учун имконият бор ва фақат яхшироқ бўлиб бораверамиз.

17 октябрь, шанба куни «Барселона» сафарда «Бетис»га қарши ўйнайди.