«Челси» ҳужумкор ярим ҳимоячиси Морган Роджерс янги жамоасидаги илк ўйинини ёрқин ўтказди.
24 ёшли футболчи Англия Премьер-лигаси 1-туридан ўрин олган «Фулхэм»га қарши учрашувнинг 41-дақиқасида гол урди.
Opta маълумотига кўра, Роджерс ўйин давомида жамоадошлари учун 5 та голли вазият яратди. Бу 2003/04 йилги мавсумдан буён статистика юритилаётган даврда АПЛда «Челси» сафида дебют қилган футболчилар орасидаги энг яхши натижа ҳисобланади.
82-дақиқада «Челси» бош мураббийи Хаби Алонсо Роджерсни алмаштирди.
Морган Рожерс июль ойида «Астон Вилла»дан «Челси»га 138 миллион евро эвазига кўчиб ўтганди. Англиялик футболчи Лондон клуби билан 2033 йилнинг ёзига қадар шартнома имзолаган.
