«Реал» клуб телевидениеси Ла Лиганинг 2-турида «Эспаньол»га қарши ўтказилган учрашувдаги ҳакамликни кескин танқид қилди.
Учрашувнинг 3-дақиқасида каталонияликлар ярим ҳимоячиси Алекс Калатрава рақиб вингери Винисиус Жуниорни йиқитди ва шундан сўнг ерда ётган бразилиялик футболчининг орқасига оёғи билан зарба берди. Бош ҳакам Хосе Мария Санчес Мартинес 26 ёшли испаниялик футболчини жазоламади.
«Санчес Мартинес унга сариқ карточка кўрсатмади. Бу мурсиялик ҳакамнинг ўйиндаги илк жиддий қарори эди ва у кейин ҳам шу руҳда давом этди. VAR хонасида ишлаган Фигероа Васкес ҳам худди шундай йўл тутди.
Винисиусни ўйиндан чиқариш учун унга нисбатан қайта-қайта қоида бузилди ва бу фоллар жазосиз қолди. Ламин Ямалга нисбатан эса арзимас қоидабузарлик учун ҳам сариқ карточка кўрсатилади», — деди «Реал» клуб телеканали бошловчиси.
