«Арсенал» марказий ҳимоячиси Вильям Салиба Испаниянинг етакчи клублари назарига тушди. Бу ҳақда CaughtOffside нашри хабар бермоқда.

Манбанинг маълумотига кўра, «Реал» ва «Барселона» 25 ёшли ҳимоячига қизиқиш билдирмоқда. Бироқ, «Арсенал» франциялик футболчини сотиш ниятида эмас ва фақат 150 миллион евродан ошадиган таклифларнигина кўриб чиқишга тайёр.

Салиба 2019 йилдан буён «канонирлар» сафида тўп суради. Ўтган мавсумда у жамоаси билан Англия чемпиони бўлди. Муваффақиятли кечган мавсум давомида ҳимоячи барча турнирларда 50 та ўйинда майдонга тушиб, битта гол урди ва битта голли узатмага муаллифлик қилди.

Салибанинг «Арсенал» билан тузган меҳнат шартномаси 2030 йилнинг июнига қадар мўлжалланган.