Дортмунднинг «Боруссия» ҳужумчиси Карим Адейеми «Барселона»га ўтишга яқин турибди.

Журналист Патрик Бергернинг маълумотларига кўра, каталонияликларнинг ҳужумчини сотиб олиш бўйича қилган илк расмий таклифи тахминан 20 миллион еврони ташкил этади. «Асаларилар» ўз футболчиси учун ўзлари истаган 40 миллион еврони олишлари қийин бўлади, чунки унинг шартномаси атиги бир йилдан сўнг якунига етади.

Шунга қарамай, «Боруссия» Адейеми трансфери учун «Зальцбург»га тўлаган суммани — тахминан 33 миллион еврони қайтариб олмоқчи. Шунингдек, битимга кейинги сотувдан тушадиган фоизлар ва бонуслар ҳам киритилиши керак. Трансфер устида иш олиб борилмоқда. Адейеми аллақачон «Барселона» билан узоқ муддатли шартнома шартлари бўйича келишиб олган.