Франция терма жамоаси бош мураббийи Зинедин Зидан кимни дунёнинг энг яхши футболчиси деб ҳисоблашини айтди.
54 ёшли мутахассис кутилганидек, «уч ранглилар» сардори ва «Реал» ҳужумчиси Килиан Мбаппени танлади.
«Мбаппе — дунёнинг энг яхши футболчиси. У ҳужумдаги учала позицияда ҳам ўйнай олади, аммо шахсан мен уни чап қанотда кўришни айниқса ёқтираман», — деди Зидан матбуот анжуманида. Унинг сўзларини Madrid Universal келтирди.
Эслатиб ўтамиз, афсонавий собиқ ярим ҳимоячи 2026 йилги жаҳон чемпионатидан сўнг Дидье Дешам ўрнини эгаллаб, Франция терма жамоаси бош мураббийи этиб тайинланган эди.
Франция терма жамоаси Миллатлар лигаси доирасида 25 сентябрь куни Туркия, 28 сентябрда эса Бельгияга қарши майдонга тушади.
