Osiyo Chempionlar ligasi yo‘llanmasi o‘ynalayotgan O‘zbekiston Coca-cola kubogida yarim final ishtirokchilari aniqlandi: AGMK, “Navbahor”, “Nasaf”, “So‘g‘diyona”. 

Musobaqada ½ final uchrashuvlari 13-14 oktyabr kunlari bo‘lib o‘tadi. Jamoalar o‘z raqiblarini 8 sentyabr kuni bilib oladi. Shu kuni Coca-cola Superliganing 18-turi doirasida “Qizilqum” — “Olimpik” jamoalari to‘qnash keladi va bellashuv “Sport” telekanali orqali jonli efirda namoyish etiladi. Mazkur uchrashuvning tanaffusi vaqtida yarim finalga qur’a tashlab beriladi.

Ma’lumot uchun. O‘zbekiston Coca-cola kubogining yarim finali ham 1 tadan o‘yindan iborat bo‘lib, bunda juftliklar ham, ularda kim mezbon bo‘lishi masalasi ham qur’a yordamida aniqlab olinadi.