"Sherif" ustozi Stepan Tomas "Manchester Yunayted"ga qarshi bo‘lib o‘tadigan Yevropa ligasi guruh bosqichi 2-tur uchrashuvidan oldingi fikrlari haqida gapirdi.
Xorvatiyalik mutaxassis jamoasi uchun eng muhimi himoyada nihoyatda ehtiyotkorlik bilan o‘ynash, shuningdek, raqib darvozasida bo‘ladigan kam sonli imkoniyatlardan unumli foydalanish ekanligini ta’kidladi. "Bizda o‘z daqiqalarimiz bo‘ladi. Ular ko‘p bo‘lmasligi mumkin, ammo biz paydo bo‘ladigan kichik imkoniyatlardan foydalanishimiz kerak", - dedi Tomas "Sherif" rasmiy saytiga.
"O‘tgan yili biz “Real”ni mag‘lub etdik. Hozir bizda tajribali jamoa bor. Biz Chempionlar ligasi va Yevropa ligasida bir nechta o‘yin o‘tkazdik. O‘ylaymanki, biz tajriba to‘pladik”, - deb qo‘shimcha qildi Tomas.
"Sherif" - "Manchester Yunayted" uchrashuvi 15 sentyabr kuni bo‘lib o‘tadi. Yevropa ligasi guruh bosqichining 1-turida Moldova chempioni safarda Kiprning "Omoniya" jamoasini mag‘lub etdi (3:0), "mankunianliklar" o‘z maydonida “Real Sosyedad”ga imkoniyatni boy berdi (0:1).
