"Шериф" устози Степан Томас "Манчестер Юнайтед"га қарши бўлиб ўтадиган Европа лигаси гуруҳ босқичи 2-тур учрашувидан олдинги фикрлари ҳақида гапирди.

Хорватиялик мутахассис жамоаси учун энг муҳими ҳимояда ниҳоятда эҳтиёткорлик билан ўйнаш, шунингдек, рақиб дарвозасида бўладиган кам сонли имкониятлардан унумли фойдаланиш эканлигини таъкидлади. "Бизда ўз дақиқаларимиз бўлади. Улар кўп бўлмаслиги мумкин, аммо биз пайдо бўладиган кичик имкониятлардан фойдаланишимиз керак", - деди Томас "Шериф" расмий сайтига.

"Ўтган йили биз “Реал”ни мағлуб этдик. Ҳозир бизда тажрибали жамоа бор. Биз Чемпионлар лигаси ва Европа лигасида бир нечта ўйин ўтказдик. Ўйлайманки, биз тажриба тўпладик”, - деб қўшимча қилди Томас.

"Шериф" - "Манчестер Юнайтед" учрашуви 15 сентябр куни бўлиб ўтади. Европа лигаси гуруҳ босқичининг 1-турида Молдова чемпиони сафарда Кипрнинг "Омония" жамоасини мағлуб этди (3:0), "манкунианликлар" ўз майдонида “Реал Сосьедад”га имкониятни бой берди (0:1).