"Барселона" мисрлик ҳужумчи Ҳамза Абделкарим билан янги шартнома бўйича келишувга эришди. Янги битим 2030 йил 30 июнга қадар амал қилади.
Каталония клуби расмий маълумотига кўра, шартнома 15 сентябрь куни клуб президенти Жоан Лапорта офисида имзоланади. Шундан сўнг Абделкарим ОАВ вакиллари билан ҳам мулоқот қилади.
18 ёшли футболчи "Барселона"га 2026 йил февраль ойида дастлаб ижара асосида келган. Ёзда клуб унинг трансфер ҳуқуқини тўлиқ сотиб олди. Абделкарим мавсумолди тайёргарлик жараёнида 4 та гол уриб, жамоанинг энг яхши тўпурари бўлган эди.
Мисрлик ҳужумчи 31 август куни "Райо Вальекано"га қарши баҳсда "Барселона" асосий жамоаси сафида расмий дебют қилди. Энди клуб уни узоқ муддатли режаларининг бир қисми сифатида сақлаб қолмоқда.
