Испания терма жамоаси миллий жамоалар ўртасида мағлубиятсиз ўйинлар серияси давомийлиги бўйича рекорд ўрнатди. Бу натижа Европа миллатлар лигаси «А» дивизиони 3-гуруҳи 3-турида Чехияга қарши учрашувда қайд этилди.
Овьедодаги «Нуэво Карлос Тартьере» стадионида ўтган баҳсда Испания 3:1 ҳисобида ғалаба қозонди. Испанлар сафида Ламин Ямал 6-дақиқада, Родри 35-дақиқада ва Микель Мерино 89-дақиқада гол урди. Чехиянинг ягона голига эса Иржи Слама 69-дақиқада муаллифлик қилди.
Шу тариқа, Чехия устидан қозонилган ғалаба Испания учун мағлубиятсиз кетма-кет 41-ўйин бўлди.
3-турдан сўнг Испания 9 очко билан 3-гуруҳ турнир жадвалида пешқадамлик қилмоқда. Чехия эса учта учрашувдан кейин очко жамғара олмаган ва 4-ўринда бормоқда.
