"Бавария" вингери Майкл Олисе "Ливерпуль" қизиқишлари доирасида. Бу ҳақда TEAMtalk хабар берди.
Манбага кўра, "қизиллар" ҳужум чизиғини фақат суперюлдузлардан шакллантиришни истамоқда ва айни пайтда жамоага ўнг қанот вингери етишмаяпти.
Муҳаммад Салоҳ клубни тарк этганидан сўнг, "Ливерпуль" айнан Олисени унинг ўрнини эгаллайдиган футболчи сифатида кўрмоқда.
Франциялик футболчи ҳозирча "Бавария" билан янги шартнома имзоламаган. Яқин вақт ичида унинг Мюнхенда узоқ муддат қолишни истайдими ёки янги чақириқни қабул қилишга тайёрми, деган саволга ойдинлик кириши кутилмоқда.
Жорий мавсумда 24 ёшли Олисе барча мусобақалар ҳисобида 5 та ўйинда майдонга тушиб, 5 та гол урди ва 2 та голли узатмани амалга оширди.
