Чемпионлар Лигасида жамоалар биринчи тур учрашувларини ўтказди. Унинг якунларига кўра, Opta суперкомпьютери клубларнинг нуфузли турнирда ғолиб чиқиш имкониятларини баҳолади.
Рейтингда биринчи ўринни ўтган мавсум финалчиси — Лондоннинг «Арсенал» клуби эгаллади. Микель Артета шогирдларининг турнирда ғолиб чиқиш эҳтимоли 22,95 фоизга баҳоланган.
Иккинчи ўринда 18,23 фоиз кўрсаткич билан Мюнхеннинг «Бавария» клуби жойлашган. Кучли учликни яна бир АПЛ вакили — «Манчестер Сити» якунлаб турибди. «Шаҳарликлар»нинг совринни қўлга киритиш имконияти 14,49 фоизга тенг.
Кучли ўнликдан шунингдек «Барселона» (7,7%), «Ливерпуль» (7%), «ПСЖ» (6%), «Реал» (4,3%), «Манчестер Юнайтед» (3,9%), «Астон Вилла» (3,3%) ва «Интер» (2,4%) ўрин олган.
