Рафиньянинг «Барселона» билан амалдаги шартномаси 2027/28 йилги мавсум якунига қадар амал қилади.
Гап-сўзларга кўра, бразилиялик ҳужумчи агентларидан Каталония клуби билан музокаралар ўтказиб, яқин йиллардаги келажагини белгилаб олишни сўраган.
El Nacional нашри Рафиньяни таркибига қўшиб олишга тайёр грандлар ҳақида маълумот берди. Бразилиялик футболчини ўз сафига жалб қилишга «ПСЖ» ҳам уриниб кўриши мумкин. Парижликлар бош мураббийи Луис Энрике Рафиньянинг ўйинини юқори баҳолайди.
Шунингдек, «Челси» ва «Арсенал» ҳам Рафинья трансферига даъво қилмоқда. Айтишларича, Премьер-лиганинг ушбу грандлари бразилиялик футболчига ҳозирги маошидан икки баравар кўп ҳақ тўлашга тайёр.
