Rafinyaning «Barselona» bilan amaldagi shartnomasi 2027/28 yilgi mavsum yakuniga qadar amal qiladi.
Gap-so‘zlarga ko‘ra, braziliyalik hujumchi agentlaridan Kataloniya klubi bilan muzokaralar o‘tkazib, yaqin yillardagi kelajagini belgilab olishni so‘ragan.
El Nacional nashri Rafinyani tarkibiga qo‘shib olishga tayyor grandlar haqida ma’lumot berdi. Braziliyalik futbolchini o‘z safiga jalb qilishga «PSJ» ham urinib ko‘rishi mumkin. Parijliklar bosh murabbiyi Luis Enrike Rafinyaning o‘yinini yuqori baholaydi.
Shuningdek, «Chelsi» va «Arsenal» ham Rafinya transferiga da’vo qilmoqda. Aytishlaricha, Premyer-liganing ushbu grandlari braziliyalik futbolchiga hozirgi maoshidan ikki baravar ko‘p haq to‘lashga tayyor.
