Dortmundning “Borussiya” klubi sardori Marko Roys jiddiy jarohatdan qutulib qoldi, deb xabar beradi Bild.

Futbolchi Bundesliganing 7-turidan o‘rin olgan "Shalke"ga qarshi o‘yinda (1:0) jarohat oldi. Uni zambilda maydondan olib ketishdi.

Roysga tashqi to‘piq ligamentining shikastlanishi tashxisi qo‘yilgan. U uch-to‘rt haftani o‘tkazib yuboradi, shundan so‘ng u mashg‘ulotlarni davom ettirishi mumkin.

33 yoshli yarim himoyachi joriy mavsumda Bundesliganing 7 ta uchrashuvida maydonga tushib, 2 ta gol urdi va 2 ta golli uzatmani amalga oshirdi.