“Valensiya” darvozaboni Georgi Mamardashvili bilan shartnomani uzaytirdi.

Klub matbuot xizmati xabariga ko‘ra, 21 yoshli gruziyalik darvozabon bilan tuzilgan shartnoma endi 2027 yilning 30 iyuniga qadar mo‘ljallangan.

2021 yilning yozida Mamardashvili sotib olish imkoni bilan “Valensiya”ga ijaraga o‘tgandi. 13 avgust kuni u Ispaniya chempionati doirasida "Xetafe"ga (1:0) qarshi o‘yinda jamoa safida debyut qildi. 2021 yil oxirida ispan klubi darvozabonni Tbilisining “Dinamo” klubidan sotib oldi.

Umuman olganda, Mamardashvili “Valensiya” safida 27 ta rasmiy o‘yinda maydonga tushib, 27 ta gol o‘tkazib yuborgan va 11 ta uchrashuvda o‘z darvozasi daxlsizligini saqlab qolgan.