“Валенсия” дарвозабони Георги Мамардашвили билан шартномани узайтирди.
Клуб матбуот хизмати хабарига кўра, 21 ёшли грузиялик дарвозабон билан тузилган шартнома энди 2027 йилнинг 30 июнига қадар мўлжалланган.
2021 йилнинг ёзида Мамардашвили сотиб олиш имкони билан “Валенсия”га ижарага ўтганди. 13 август куни у Испания чемпионати доирасида "Хетафе"га (1:0) қарши ўйинда жамоа сафида дебют қилди. 2021 йил охирида испан клуби дарвозабонни Тбилисининг “Динамо” клубидан сотиб олди.
Умуман олганда, Мамардашвили “Валенсия” сафида 27 та расмий ўйинда майдонга тушиб, 27 та гол ўтказиб юборган ва 11 та учрашувда ўз дарвозаси дахлсизлигини сақлаб қолган.
