"Inter" rahbariyati vaziyatni to‘g‘irlash uchun bosh murabbiy Simone Indzagiga bir oy vaqt beradi. Aks holda, italiyalik mutaxassis iste’foga chiqariladi, deya xabar bermoqda Sky Italia.
Eslatib o‘tamiz, A Seriyaning 7-turidan so‘ng "Inter" 12 ochko bilan turnir jadvalida 7-o‘rinda bormoqda. Chempionatning so‘nggi uchrashuvida Indzagi shogirdlari mehmonda “Udineze”ga 1:3 hisobida imkoniyatni boy berishdi.
Indzagi "Inter"ni 2021 yilning yozidan beri boshqarib kelmoqda, u Antonio Konte o‘rniga Rimning "Lasio" jamoasidan kelib qo‘shilgan edi. "Neradzurrilar" ustozi sifatida birinchi mavsumida Simone klub bilan A Seriyada ikkinchi o‘rinni egalladi va Italiya kubogini ham qo‘lga kiritdi.
