"Интер" раҳбарияти вазиятни тўғирлаш учун бош мураббий Симоне Индзагига бир ой вақт беради. Акс ҳолда, италиялик мутахассис истеъфога чиқарилади, дея хабар бермоқда Sky Italia.
Эслатиб ўтамиз, А Сериянинг 7-туридан сўнг "Интер" 12 очко билан турнир жадвалида 7-ўринда бормоқда. Чемпионатнинг сўнгги учрашувида Индзаги шогирдлари меҳмонда “Удинезе”га 1:3 ҳисобида имкониятни бой беришди.
Индзаги "Интер"ни 2021 йилнинг ёзидан бери бошқариб келмоқда, у Антонио Конте ўрнига Римнинг "Лацио" жамоасидан келиб қўшилган эди. "Нерадзуррилар" устози сифатида биринчи мавсумида Симоне клуб билан А Серияда иккинчи ўринни эгаллади ва Италия кубогини ҳам қўлга киритди.
