Madridning “Atletiko” klubi joriy mavsum oxirida darvozabon Yan Oblakdan ayrilishi mumkin. Sloveniyalik futbolchining "matraschilar" bilan amaldagi shartnomasi tugaydi, shuning uchun klub yozda uni tekinga yo‘qotmaslik uchun uni yanvarda sotishi mumkin.
Goal.com nashri xabariga ko‘ra, ispan top-klubi allaqachon Oblakning o‘rniga futbolchi izlay boshlagan. Ayni damda Angliya chempionatida o‘ynaydigan argentinalik darvozabon Emiliano Martines "Atletiko Madrid"ning asosiy maqsadi bo‘lib turibdi.
30 yoshli darvozabonning "Aston Villa" bilan shartnomasi 2027 yilning yoziga qadar mo‘ljallangan. Uning transfer narxi 28 million yevro.