"Milan" va "Chelsi"ning sobiq hujumchisi Andrey Shevchenko Chempionlar ligasi guruh bosqichi 3-turidan o‘rin olgan ushbu jamoalar o‘rtasidagi o‘yindan oldingi fikrlari bilan o‘rtoqlashdi.
Ukrainalik sobiq futbolchi asosiy e’tibor o‘tgan yozda "Chelsi"dan "Milan"ga ko‘chib o‘tgan Olivye Jiruga qaratilishini ta’kidladi.
“Jiru raqib darvozasiga gol urishni juda yaxshi his qiladi. Bunday futbolchining jamoada bo‘lishi foydali. Uning uchun "Chelsi" bilan o‘yin o‘zgacha bo‘ladi, chunki u avvallari shu klubda o‘ynagan", - dedi Shevchenko "Milan" rasmiy saytiga.
Eslatib o‘tamiz, 2006 yilning yozida Shevchenko 35 million yevrodan ko‘proq evaziga "Milan"dan "Chelsi"ga o‘tgan edi.
