"Милан" ва "Челси"нинг собиқ ҳужумчиси Андрей Шевченко Чемпионлар лигаси гуруҳ босқичи 3-туридан ўрин олган ушбу жамоалар ўртасидаги ўйиндан олдинги фикрлари билан ўртоқлашди.
Украиналик собиқ футболчи асосий эътибор ўтган ёзда "Челси"дан "Милан"га кўчиб ўтган Оливье Жируга қаратилишини таъкидлади.
“Жиру рақиб дарвозасига гол уришни жуда яхши ҳис қилади. Бундай футболчининг жамоада бўлиши фойдали. Унинг учун "Челси" билан ўйин ўзгача бўлади, чунки у авваллари шу клубда ўйнаган", - деди Шевченко "Милан" расмий сайтига.
Эслатиб ўтамиз, 2006 йилнинг ёзида Шевченко 35 миллион евродан кўпроқ эвазига "Милан"дан "Челси"га ўтган эди.
