Qatardagi mundialning start olishiga 50 kun vaqt qolmoqda. Bu muddat qisqargani sayin, turnirga bo‘lgan qiziqishlar ham oshib boraveradi. Fransiya Rossiya maydonlarida zafar quchgandi. Shu sabab ular amaldagi chempion maqomida harakat qiladi. Qolaversa, bir qancha mamlakatlar ham bosh sovrin uchun jiddiy da’vo qilmoqda. Quyida Qatardagi Jahon chempionati haqida siz bilmagan ma’lumotlar jamlanmasini taqdim etamiz.
Bu yilgi Jahon chempionati O‘rta Sharqda o‘tayotgan ilk va eng yirik musobaqa sanaladi. Mintaqaning o‘ta issiqligi sabab, turnir noyabr-dekabr oylariga ko‘chirilgan.
Musobaqa mezbonlari JCHdagi yagona debyutant jamoa sanaladi va 20 noyabr kuni Ekvadorga qarshi maydonga tushadi.
Ushbu mundial 32 ta jamoa qatnashadigan musobaqaning so‘nggisi bo‘ladi. 2026 yildan boshlab FIFA jamoalar sonini 48 taga oshiradi (AQSH-KANADA-MEKSIKA).
Jahon chempionatiga tashrif buyurgan muxlislar kuniga faqat 19 soat davomida alkogolli ichimliklar iste’mol qilishi mumkin xolos. Bu ichimliklarning har bir idishi 8 funtdan sotiladi.
Qatarda noyabrning o‘rtacha harorati 26 darajani tashkil etadi. Dekabrda esa harorat 21 darajagacha pasayadi.
Har bir jamoa jami 26 ta futbolchi bilan turnirga kelishi kerak. Shulardan 15 tasi zaxira o‘yinchilari bo‘ladi.
Turnir o‘tadigan 8 ta stadion atigi 48 mil masofaga joylashtirilgan. Ularning eng shimoli "Al-Bayt", eng janubi esa "Al-Janub" stadioni bilan tugaydi.
Uels terma jamoasi o‘z tarixida ikkinchi marta JCHda ishtirok etmoqda. Ular so‘nggi bor 1958 yil, bundan 64 yil oldin, Pele Shvesiya darvozasi ishg‘ol qilganida musobaqa jadvalida bo‘lgan.
Dunyo bo‘ylab ko‘plab muxlislar kichkina davlatga oqib kelishi sababli, Qatardagi mehmonxonalar narxi o‘ta baland bo‘ladi va bir kechaga 3000 funtdan tushadi.
Jahon chempionatining final chiptasida oltin kukuni bo‘ladi.
Qatardagi turnirning eng oddiy chiptasi narxi 529 funtdan 1408 funtga ko‘tarilgan.
32 ta jamoa bir sovrin uchun kurash olib boradi. O‘sha sovrin - oltin kubok 1974 yilda italiyalik sangtarosh Silvio Gassaniga tomonidan ishlangan. Uning bo‘yi 36,5 santimetrni, og‘irligi esa 6,175 grammni tashkil etadi.
Turnirning eng yirik stadioni "Lusail" o‘yingohi bo‘lib, u Qatar poytaxti Dohadan 23 kilometr shimolda joylashgan. Ushbu stadionda mundialning jami 10 ta o‘yini bo‘lib o‘tadi. Ular ichida final bahsi ham mavjud.
Qatarga 1 milliondan ortiq sayyoh kelishi kutilmoqda. Turnir uchun esa jami 2,45 million dona chipta sotildi.
Qatarning aholisi soni 2,5 million kishi. Ular 11 ming kilometr-kvadrat hududda istiqomat qiladi.
2022 yilgi mundialning umumiy sovrin jamg‘armasi 385 million funtni tashkil etadi. Shundan 36 million funtni finalda g‘alaba qozongan jamoa oladi.
Bu yilgi Jahon chempionatini dunyo bo‘ylab jami 5 milliarddan ortiq inson tomosha qilishi kutilmoqda. Bu degani, sayyora aholisining uchdan ikki qismidir.
Qatar yirik turnirga tayyorgarlik ko‘rish uchun 185 milliard funt sarfladi. Shundan 33 milliard funt Doha shahrida metro qurish uchun ketgan. 14 milliard funt "Hamad Xalqaro AYEroporti"ga, 6 milliard esa stadionlar qurishga sarf etilgan.
ISMATOV J.
