Joan Laporta Antuan Grizmanning "Barselona"dan "Atletiko"ga o‘tishi haqida batafsil ma’lumot berdi
Klublar 20+4 million yevro evaziga 31 yoshli hujumchining to‘liq transferi bo‘yicha kelishib oldi.
“Hammasi kelishilgan va bu muvaffaqiyatli bitim. Biz 20 million yevro olamiz, yana 4 millioni bonus sifatida beriladi. Shuningdek, agar “Atletiko” uni sotsa, transfer summasidan ma’lum foiz olamiz – 40 million yevrogacha.
Ish sudgacha yetib borsa, uzoq davom etishidan qo‘rqdik. Agar Grizmann jahon chempionatidan keyin “Barselona”ga qaytsa, maoshimiz 36 million yevroga oshadi. Bu qanchalik fojia bo‘lishini tasavvur qilishingiz mumkin”, — dedi “Barselona” prezidenti.
"Atletiko" baribir Grizmanni "Barsa"dan sotib oladi - lekin 40 emas, 20 millionga.
