Myunxenning "Bavariya" klubi prezidenti bo‘lgan futbol funksioneri Gerbert Xayner jamoaning 2022/2023 yilgi mavsum startidagi muvaffaqiyatsiz o‘yini haqida gapirdi.
“Jamoa yanada barqaror futbol ko‘rsatishga majbur. Hozircha "Bavariya" bu borada yetarlicha yaxshi emas. Shu sababdan o‘tkazib yubormaslik kerak bo‘lgan ko‘plab ochkolarni yo‘qotdik. Bu menga yoqmaydi, biz buning ustida ishlashimiz kerak”, dedi Xayner Blickpunkt Sport nashriga.
Suhbat yakunida “Bavariya” prezidenti jamoa bosh murabbiyi Yulian Nagelsmannga hamon ishonishini takidladi.
Bundesliganing 9-turi yakunlariga ko‘ra, myunxenliklar 16 ochko jamg‘arib, turnir jadvalida uchinchi o‘rinda bormoqda.
